Каталониядаги катта ўзгаришлар яқинми? "Барселона" клуби янги мавсум арафасида бир қанча футболчилар тақдири юзасидан жиддий қарорлар қабул қилиш арафасида турибди. Улар орасида ёш ва иқтидорли ярим ҳимоячи Фермин Лопес ҳам бор.
Испаниянинг Sport нашри ёзишича, клуб раҳбарияти футболчининг келажагига оид позициясини юмшатган. Илгари сотув ҳақида ҳатто гап ҳам бўлмаган бўлса, ҳозирда яхши таклиф бўлса, "кўк-анорранглилар" уни кўриб чиқишга тайёрлигини билдиришган. Бу эса Лопеснинг "Барса" сафида қолишига кафолат йўқлигини англатади, деб хабар берди sport.es.
Фармон шуки, клуб бош мураббийи Ханс-Дитер Флик Фермин Лопесни юқори баҳолайди. Немис мутахассиси уни келаси мавсум учун муҳим футболчи деб ҳисоблайди ва унга катта ишонч билдиради. Бироқ, молиявий жиҳатлар кўп нарсани ҳал қиладиган бугунги кунда, ҳатто Флик ҳам ўз режаларини қайта кўриб чиқишга мажбур бўлиши мумкин.
Клуб молиявий жиҳатдан анча оғир ҳолатда экани инобатга олинса, маълум бир даражада қурбонлик қилиш зарурати пайдо бўлган. Фермин Лопес ҳам ана шундай эҳтимолий қурбонлардан бири сифатида қарала бошланган.
Қайд этиш жоиз, 22 ёшли испаниялик футболчини Европа грандлари, хусусан, “Ливерпуль” ва “Бавария” жуда яқиндан кузатиб бормоқда. Унинг Transfermarkt'dagi баҳоси ҳозирда 50 миллион еврони ташкил қилмоқда. Агар шу атрофдаги таклиф келиб тушса, “Барселона” ўйлаб ўтирмаслиги мумкин.
Фермин Лопес ўтган мавсум давомида кўрсатган ўйини орқали кўплаб ишқибозлар ва мутахассисларнинг эътиборини тортди. У техник маҳорати, ҳаракатчанлиги ва майдондаги хулқ-атвори сабабли катта келажак кутаётган футболчилар сафидан жой олди.
Фикрлар турлича: баъзилар унинг клубда қолишини хоҳласа, бошқалар молиявий барқарорликни биринчи ўринга қўймоқда. Ҳар ҳолда, "Камп Ноу" атрофидаги вазият кузда яна кўп муҳокамаларга сабаб бўлиши аниқ. "Барса" қийин қарорлар арафасида турибди — эҳтимол, ёш юлдузлардан бирини қурбон қилишга тўғри келади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
