“Реал Мадрид” сафида сўнгги мавсумларда ўзига хос ўйини билан мухлислар қалбидан жой олган бразилиялик ҳужумчи Родриго жамоани тарк этиши мумкин. Бу ҳақда бир қатор Европа ОАВлари хабар тарқатди.
Маълумотларга кўра, футболчининг хизматларига “Бавария”, “Челси”, “Манчестер Юнайтед” ва айниқса “Арсенал” жиддий қизиқиш билдирмоқда. Манбаларга кўра, айнан “Арсенал” трансфер пойгасида пешқадам ҳисобланмоқда.
“Қироллик клуби” эса Родригони 80 миллион евродан кам бўлмаган суммага сотишни режалаштирган. Бу нархга қарамай, бир нечта клублар ҳозирдан музокараларни бошлаган.
Эслатиб ўтамиз, Родриго ўтган мавсум “Реал” сафида 54 та учрашувда қатнашиб, 14 та гол ва 11 та ассистга муаллифлик қилган. Унинг универсал позициядаги ўйин услуби ва техник маҳорати кўплаб клублар эътиборини тортгани ажабланарли эмас.
Футболчи келажаги ҳақида ҳозирча расмий баёнот йўқ. Аммо Европа трансфер ойнаси қизғин паллага кирмоқда. Родригонинг янги манзили жуда тез орада аниқ бўлиши мумкин.
Сиз нима деб ўйлайсиз? Бразилиялик юлдуз қайси клубда ўзини тўлиқ намоён эта олади? «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
