ФИФА Луис Энрике ва Невешга чора кўриши мумкин

Футбол оламида навбатдаги можароли вазият юзага келди. "ПСЖ" бош мураббийи Луис Энрике ва ярим ҳимоячи Жоау Невеш интизомий жавобгарликка тортилиши мумкин. Бу ҳақда французнинг L’Équipe нашри хабар тарқатди.

Маълумотларга кўра, клублар ўртасидаги жаҳон чемпионати финалида юзага келган тўқнашувдан сўнг ФИФА уларнинг хатти-ҳаракатини қайта кўриб чиқмоқда. Қайд этилишича, ўйин тугагач, "Челси" ҳужумчиси Жоао Педро билан тортишувга киришган Энрике унга нисбатан жисмоний куч ишлатган – у Педрони бўғзидан ушлаб, йўқлаб юборган.

Шунингдек, ёш португалиялик Невеш майдонда эмоцияларга берилган ҳолда рақиб футболчиси Кукурельянинг сочидан ушлаб, қизил карточка олган. ФИФА бу ҳолатни жиддий қабул қилмоқда ва унга нисбатан жарима ёки дисквалификация кўрилиши мумкин.

Одатда, клублар ўртасидаги жаҳон чемпионатида берилган жазолар бошқа мусобақаларга таъсир қилмайди. Бироқ бу сафар ФИФА қоидаларни қайта кўриб чиқиши ва мисли кўрилмаган қарор қабул қилиш эҳтимоли бор.

Ҳозирда мазкур вазият атрофлича ўрганилмоқда ва якуний қарор яқин кунларда эълон қилиниши кутилмоқда. Муштлашув билан якунланган финал учрашуви мухлислар ва мутахассислар орасида ҳам катта муҳокамаларга сабаб бўлди.
«Замин»ни Telegram’да ўқинг!