Европа футболида катта трансфер янгилиги қайд этилди – Туркиянинг етакчи клуби “Фенербахче” сўнгги мавсумни ижара асосида жамоа сафида ўтказган Словакия терма жамоаси сардори Милан Шкриньярни тўлиқ сотиб олишга қарор қилди. Бу ҳақда бир неча турк нашрлари ишончли манбаларга таянган ҳолда хабар тарқатди.
Маълумотларга кўра, "Фенербахче" ва Франциянинг машҳур клуби “Пари Сен-Жермен” ўртасида узоқ музокаралардан сўнг 30 ёшли марказий ҳимоячининг трансфери бўйича якуний келишувга келинди. Милан Шкриньяр янги клуби билан 2028 йилгача мўлжалланган 4 йиллик шартнома имзолайди. Унга йиллик маош сифатида 7,5 миллион евро тўланиши режалаштирилмоқда, бу эса Туркия Суперлигасидаги энг юқори даромадли ҳимоячилардан бирига айлантиради.
Шкриньярнинг “Фенербахче”даги ижара даври унга нафақат янги муҳитга мослашиш имконини берди, балки ўзини севдиришга ҳам муваффақ бўлди. У мавсумнинг иккинчи ярмида 16та ўйинда иштирок этди ва ҳимоячи бўлишига қарамай, 3та муҳим гол муаллифига айланди. Аниқ ҳаракатлари, позицион ўйини ва лидерлик фазилатлари билан жамоа мухлислари қалбидан жой олди.
ПСЖ сафида тўлиқ очилиб улгурмаган Шкриньяр учун Туркиядаги янги босқич унинг карьерасида муҳим бурилиш нуқтаси бўлиши кутилмоқда. Унинг тажрибаси ва ўйиндаги барқарорлиги “Фенербахче” ҳимоя чизиғини янада кучайтиришда муҳим аҳамият касб этади.
Эндиликда, жамоа бош мураббийи уни бутун мавсум давомида асосий таркибда кўриш имконига эга бўлади. Клуб етакчилари эса бу трансфер орқали Европа ареналаридаги муваффақиятларга янада яқинлашишни мақсад қилган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
