"Пахтакор" клуби ўз таркибини янги ном билан тўлдирди – Ироқ миллий терма жамоаси ҳимоячиси Заид Таҳсин пойтахт жамоаси аъзосига айланди. Бу ҳақда жамоа матбуот хизмати орқали маълум қилинди,.
Маълум қилинишича, 24 ёшли футболчи билан 1,5 йиллик шартнома имзоланган. У Тошкент жамоасига Ироқнинг “Ал Қува Ал Жавия” клубидан эркин агент сифатида келиб қўшилган. Таъкидланишича, Заид Таҳсин Ироқ терма жамоаси сафида Жаҳон чемпионати саралаш босқичи учрашувларида иштирок этган ва тажрибали футболчи сифатида танилган.
Шунингдек, у мамлакат терма жамоаси билан Араб Кўрфази Кубогида қатнашиб, ғалаба қучган футболчилардан бири ҳисобланади. Бу муваффақият унинг фаолиятидаги муҳим марралардан бири бўлди.
"Пахтакор" жамоаси раҳбарияти янги трансфердан катта умид қилишини яширмади. Ҳимоя чизиғидаги рақобатни кучайтириш ва жамоанинг халқаро майдондаги ўйинларига тажриба олиб кириш Заид олдига қўйилган асосий вазифалардан бўлади.
Жамоа мухлислари эса бу трансферни ижобий баҳолашмоқда. Аниқроғи, Ироқ термаси аъзосининг келиши жамоадаги ўйин сифатига ижобий таъсир кўрсатиши кутилмоқда.
Эслатиб ўтамиз, "Пахтакор" янги мавсум олдидан бир қатор янги футболчиларни жамоага жалб этиш устида иш олиб бормоқда. Заид Таҳсин трансфери эса бу йўналишдаги энг эътиборли қадамлардан бири бўлиб турибди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
