Англиянинг машҳур “Ливерпул” клуби ҳужумчиси Дарвин Нунес Саудия Арабистонининг етакчи жамоаларидан бири — “Ал-Ҳилол” клубининг таклифига розилик билдирди, деб хабар бермоқда спорт журналисти Руди Галетти.
Манбаларга кўра, 26 ёшли уругвайлик футболчи Саудия клуби билан шахсий шартнома шартлари бўйича оғзаки келишувга эришган. Энди “Ал-Ҳилол” томони “Ливерпул” клуби билан расмий трансфер учун музокара олиб бормоқда.
Айни пайтда, “мерсисайдликлар” Нунесни қўйиб юбориш учун камида 70 миллион еврога тенг таклифни кутмоқда. Агар келишув амалга ошса, Нунес Саудия Про-лигасининг навбатдаги юлдузига айланиши мумкин.
Дарвин Нунес 2024/25 йилги мавсумда барча мусобақаларда 47 та ўйинда иштирок этди. Ушбу ўйинларда 7 та гол урди ва 7 та голли узатма берди.
«Замин»ни Telegram’да ўқинг!
