Токиода ўтган бокс кечасидан сўнг икки япон боксчиси мия жароҳатлари оқибатида вафот этди.
28 ёшли Хиро маса Уракава 2-август куни Ёжи Саито билан бўлган жангнинг саккизинчи раундида нокаутга учраб, шифохонага ётқизилди. У субдурал гематома(мия ва калла суяги орасида қон йиғилиши) ташхиси билан операция қилинди, аммо 9-август куни ҳаётдан кўз юмди.
Бундан бир кун олдин, худди шу тадбирда жанг қилган Шигетоши Котари ҳам худди шундай жароҳатдан вафот этган эди. Ҳар икки спортчи Токиода рингга чиққан.
Япон Бокс Комиссияси воқеадан сўнг Осиё ва Тинч океани чемпионлик жангларини 12 раунддан 10 раундга қисқартиришини эълон қилди. Шунингдек, сентябрь ойида фожиаларни муҳокама қилиш учун йиғилиш ўтказилиши режалаштирилган.
Бу йил боксда учинчи ўлим ҳолати қайд этилди. Феврал ойида ирландиялик Жон Куни ҳам жангдан кейин мия қон кетиши сабабли 28 ёшида вафот этган эди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
