“Реал Мадрид”нинг собиқ ҳужумчиси ва мураббийи Хорхе Вальдано Чемпионлар лигаси қуръаси ҳақида ўз муносабатини билдирди. Унинг фикрича, “Барселона”га тушган жадвал “Реал”никидан анча қулай кўринади.
— “Реал” учун қуръа унчалик ҳам омадли чиқмади. Ҳатто қаердадир енгил кўринадиган ўйинлар ҳам жиддий қийинчиликлар туғдириши мумкин. “Барса”нинг йўли нисбатан осонроқ, аммо бундай жадвалда ҳеч бир жамоа тўлиқ ҳордиқ чиқариш имконига эга эмас. Қуръа ҳар бир клуб учун муҳим аҳамият касб этади — рақиблар тайёргарлик жараёнига ҳам таъсир қилади, — деди Вальдано “Movistar” каналига берган интервьюсида.
У шунингдек, “Реал”нинг Олмаотага сафар қилишига ҳам тўхталди. — Бу масофа жиҳатидан деярли Нью-Йоркка бориш билан баробар, балки ундан ҳам узоқ. Бу тартибда сафарлар футболчилар учун қўшимча синов бўлади, — дея таъкидлади мутахассис.
Қуръа натижаларига кўра, “Реал Мадрид” ўз майдонида “Манчестер Сити”, “Ювентус”, “Марсель” ва “Монако”га қарши баҳс олиб боради. Сафарда эса “Ливерпуль”, “Бенфика”, “Олимпиакос” ва Қозоғистоннинг “Қайрат” клубига қарши ўйнашига тўғри келади.
“Барселона” эса ўз уйида ПСЖ, “Айнтрахт”, “Олимпиакос” ва “Копенгаген” билан куч синашади. Сафарда эса каталонлар “Челси”, “Брюгге”, “Славия Прага” ҳамда “Ньюкасл”га қарши майдонга чиқади.
Маълумот учун, Мадриддан Олмаотага масофа тахминан 6 440 километр, Нью-Йорккача эса 5 770 километрни ташкил қилади.
Муттахассислар фикрича, бундай узоқ сафарлар “Реал” учун турнирдаги йўлни қийинлаштириши мумкин. Мухлислар эса катта қизиқиш билан икки испан гранди қандай натижа қайд этишини кутмоқда.
«Замин»ни Telegram’да ўқинг!
