2025/2026 йилги мавсум учун Конференциялар Лигасининг асосий босқичига қуръа ташлаш маросими ўз якунига етди.
Бугун, 29 август куни Монако шаҳрида ушбу нуфузли мусобақанинг асосий босқичига қуръа ташлаш маросими ўтказилди. Унда барча 4 саватчадан жой олган клублар маълум қилинди ва энди мухлислар жамоалар ўртасидаги қизғин тўқнашувларни интиқлик билан кутмоқда.
Биринчи тур баҳслари 24 сентябрь куни ўтказилиши белгиланди. Бу сана Конференциялар Лигаси учун янги мавсумнинг расмий старт куни сифатида тарихга кириши кутилмоқда.
Эслатиб ўтамиз, Конференциялар Лигасининг амалдаги ғолиби — Англиянинг «Челси» клуби ҳисобланади. Лондонликлар финалда Испаниянинг «Бетис» жамоасини йирик 4:1 ҳисоби билан мағлуб этиб, кубокни қўлга киритган эди.
Жорий мавсумнинг ҳал қилувчи финал учрашуви эса 2026 йилнинг 27 май куни Германиянинг Лейпциг шаҳрида жойлашган «Ред Булл Арена»да бўлиб ўтади.
Турнир қоидаларига кўра, ҳар бир клуб 6 та баҳсда майдонга тушади: 3 та ўйин уй майдонида, қолган 3 таси эса сафарда ўтказилади.
Муттахассислар таъкидлашича, Конференциялар Лигаси бу мавсумда ҳам кўплаб кутилмаган натижалар ва сенсацияларга бой бўлади. Европа майдонларида янги юлдузлар очилиши ва мухлисларга завқ бағишлайдиган баҳслардан умид катта.
«Замин»ни Telegram’да ўқинг!
