date

Машарипов: «Бенту ҳақида ҳозирча аниқ фикр билдириш эрталик қилади»

Машарипов: «Бенту ҳақида ҳозирча аниқ фикр билдириш эрталик қилади»

Ўзбекистон миллий терма жамоаси етакчиларидан бири саналган Жалолиддин Машарипов сўнгги кунларда жамоа атрофида долзарб бўлиб турган мураббий масаласи ҳақида ўз муносабатини билдирди.

Футболчи таъкидлашича, янги мураббий сифатида тилга олинаётган Пауло Бенту ҳақидаги хабарларни у матбуот орқали кўрган:
— Сайтлар орқали Бенту келгани ҳақида ўқидим. Уни номи ва Жаҳон чемпионатларида орттирган тажрибасига қараб олиб келишди. Бенту биз ҳақимизда яхши маълумотга эга. Аммо бу ерда футболчилар қарор қилмайди, барчасини вақт кўрсатади. Ҳозирча у расман шартнома имзоламади. Шунинг учун аниқ бир фикр билдириш эрталик қилади, — деди Машарипов.

Шу билан бирга у янги мураббийнинг тактик усуллари ҳақида ҳам ҳозир фикр билдиришга шошилмаслигини айтди:
— Иш жараёнида кўриб чиқиб, унинг услуби ва тактикаси ҳақида хулоса қилиш тўғри бўлади. Осиё термаларига қарши баъзи ҳолларда мураббийсиз ҳам ўйнай оламиз. Шу боис кучли рақибларга қарши ўйинларда кўпроқ тажриба оламиз. Мураббий келиб суҳбат қурди дегани, ҳаммаси ҳал бўлди дегани эмас, — дея қўшимча қилди футболчи.

Муттахассислар таъкидлашича, Машариповнинг бу мулоҳазалари жамоа ичидаги эҳтиёткорона кайфият ва янги босқичга тайёргарликдан далолат беради. Мухлислар эса Пауло Бенту расман жамоага қўшилгандан кейин қандай ўзгаришлар бўлишини қизиқиш билан кутмоқда.


Манба: Championat.asia

Ctrl
Enter
Хато топдИнгизми
Иборани ажратиб Ctrl+Enter тугмасини босинг
Янгиликлар » Спорт » Машарипов: «Бенту ҳақида ҳозирча аниқ фикр билдириш эрталик қилади»