«Реал Мадрид» бош мураббийи Хаби Алонсо Чемпионлар Лигаси қуръа маросими натижалари юзасидан ўз фикрларини билдириб ўтди. Унинг таъкидлашича, клубнинг рақиблари жуда кучли бўлишига қарамасдан, бу ҳолат «қироллик жамоаси» учун қўшимча руҳлантирувчи омилга айланади.
Маълумотларга кўра, турнирнинг умумий босқичида мадридликлар ўз майдонида «Манчестер Сити», «Ювентус», «Марсель» ва «Монако» каби Европанинг йирик жамоаларига қарши майдонга тушади. Сафар баҳсларида эса «Ливерпуль», «Бенфика», «Олимпиакос» ва Қозоғистоннинг «Қайрат» клубига қарши беллашувлар кутиб турибди.
— «Гуруҳимизда рақиблар кучли, бу эса бизга албатта мотивация берувчи омил. Қозоғистонга сафар — ўзига хослиги билан ажралиб туради. Мусобақа давомида ана шундай шароитларга мослашишни кўрамиз. Бу ўз навбатида ғайриоддий ҳолат, шунинг учун логистикани иложи борича енгиллаштириш зарур бўлади», — деди Алонсо ўз баёнотида.
Шу тариқа, «Реал Мадрид» учун олдинда турган баҳслар нафақат спорт жиҳатдан, балки сафар ва логистика нуқтаи назаридан ҳам катта синов бўлиши кутилмоқда. Мухлислар эса жамоанинг бу йўлдан қандай ўтишига катта қизиқиш билан назар қаратмоқда.
«Замин»ни Telegram’да ўқинг!
