"Манчестер Юнайтед"нинг собиқ ҳимоячиси Виктор Линдельоф ўз фаолиятини Англия чемпионатининг бошқа клубида давом эттиради. Бир неча ой олдин эркин агент сифатида манкунианликлар таркибини тарк этган швед футболчиси энди “Астон Вилла” сафида тўп тепиши кутилмоқда.
Маълумотларга кўра, 31 ёшли тажрибали ҳимоячига ёзда “Фиорентина” ҳамда “Эвертон” жамоалари ҳам қизиқиш билдирганди. Бироқ футболчига кўпроқ маъқул келган таклиф Бирмингем клубидан бўлди. Шу боис томонлар 1+1 кўринишидаги шартнома бўйича келишувга эришди. Яқин кунларда у тиббий кўрикдан ўтиши кутилаётир.
Эслатиб ўтамиз, Виктор Линдельоф 2017 йилнинг ёзида “Бенфика”дан “Манчестер Юнайтед” сафини тўлдирганди. Манкунианликлар таркибида ўтган 8 мавсум давомида у 284 та расмий учрашувда майдонга тушди. Шу вақт ичида швед ҳимоячиси рақиб дарвозаларига 4 та гол урди ва жамоадошларига 7 та голли узатма берди.
Энди эса у “Астон Вилла” сафида янги саҳифани очиш арафасида турибди. Мухлислар эса унинг янги клубдаги тажрибасини катта қизиқиш билан кузатиши шубҳасиз.
«Замин»ни Telegram’да ўқинг!
