Португалиялик машҳур мураббий Пауло Бенту Ўзбекистон футбол ассоциацияси таклифини қабул қилмаслиги эҳтимоли катта экани ҳақида маълумот тарқатилди. Бу ҳақда спорт журналисти Александр Троицкий ўз манбаларига таянади.
Хабарга кўра, Бенту ЎФА йўллаган таклиф билан танишиб чиққан, аммо мамлакатимиздан йўл олганидан кейин ҳеч қандай жавоб бермаган. Унинг олдида клублар ва миллий терма жамоалардан келган бир қатор таклифлар борлиги айтилади. Шу сабабдан Ўзбекистон таклифи ҳозирча унинг режаларида устувор эмас.
Журналистнинг қўшимча қилишича, бу маълумот аниқ манбага эмас, балки турли спорт соҳаси вакилларига асосланган. Шунингдек, унинг Европалик ҳамкасблари айрим Италия клублари Бентуга қизиқиш билдирганини маълум қилишган, аммо ҳозирча бу фақат оғзаки сўз даражасида қолмоқда.
"Кутамиз ва вазият ривожини кузатамиз", – деб ёзади Троицкий.
«Замин»ни Telegram’да ўқинг!
