"Астон Вилла" клуби расман швециялик 31 ёшли тажрибали ҳимоячи Виктор Линделёф билан шартнома имзолаганини маълум қилди.
Маълумки, футболчи “Манчестер Юнайтед” таркибида 8 йиллик фаолиятини якунлаб, бирмунча вақт давомида клубга эркин агент сифатида қўшилди.
Швеция миллий терма жамоасининг собиқ капитани ҳисобланган Линделёф жамоа ҳимоясини мустаҳкамлай оладиган “тажрибали ва кўп қиррали футболчи” сифатида баҳоланмоқда. Унинг майдондаги кўп йиллик амалиёти ва етакчилик фазилатлари айнан “Астон Вилла” учун муҳим аҳамият касб этмоқда.
Линделёф “Олд Траффорд”да тўп сурган вақт мобайнида жами 284 марта майдонга тушган. У шу даврда жамоа билан Англия Кубоги ва Лига Кубогини қўлга киритган.
Маълумот учун, Линделёф АПЛда фаолият бошлашидан аввал Португалиянинг машҳур клуби — “Бенфика” шарафини ҳимоя қилган ва у ерда ҳам ўзини юқори савияда кўрсата билганди.
Шу тариқа, швециялик ҳимоячи Англия чемпионатининг яна бир номдор клуби сафида янги саҳифани бошлади.
«Замин»ни Telegram’да ўқинг!
