Хабарингиз бор, Англиянинг Ливерпул шаҳри катталар ўртасида ўтаётган жаҳон чемпионатига илк бор мезбонлик қилмоқда. Мусобақа кундан кунга қизғин ва шиддатли кечмоқда, рингда юртимиз номидан иштирок этаётган боксчиларимиз ҳам мухлислар юрагига қувонч улашмоқда.
+90 кг вазн тоифасидаги жангда ҳамюртимиз Жаҳонгир Зокиров немис рақиби Никита Путилов билан тўқнаш келди. Жанг давомида Зокиров тўлиқ устунликни қўлга киритиб, рақибини очколар ҳисоби бўйича 5:0 натижа билан мағлуб этди. Ҳакамларнинг бир овоздан чиқарган қарори боксчимиз қанчалик юксак формада эканини яна бир бор намоён қилди.
Бу муваффақиятли ғалаба орқали Жаҳонгир Зокиров чорак финал йўлланмасига эга бўлди ва мухлислар олдида ўз салоҳиятини намойиш этди. Ҳозирда юртимиз вакили янги босқич учун қизғин тайёргарлик кўрмоқда.
Маълумот учун, Зокиров энди 10 сентябр куни ярим финалга йўлланма берувчи ҳал қилувчи жангда рингга кўтарилади. Унинг олдидаги ҳар бир баҳс нафақат унинг шахсий карьераси, балки мамлакатимиз бокси нуфузи учун ҳам катта аҳамиятга эга.
Мухлислар боксчимиздан янада кучли ва таъсирли чиқиш кутмоқда. Чорак финалдаги ғалаба Зокировга жаҳон чемпионатида тарихий натижа қайд этиш имконини яратади.
«Замин»ни Telegram’да ўқинг!
