UFC’нинг собиқ чемпиони, дунёнинг машҳур жангчиларидан бири Конор Макгрегор ўзининг Ирландия президентлиги учун курашдан чиқиш қарорини эълон қилди. Унинг бу ҳақдаги баёноти шахсий ижтимоий тармоқ саҳифасида эълон қилинди.
“Мен бу қарорни пухта ўйлаб, оилам билан маслаҳатлашган ҳолда қабул қилдим. Президентлик сайлови пойгасидан номзодимни қайтариш осон бўлмади, аммо ҳозирги шароитда бу энг тўғри йўл деб ҳисоблайман”, — деб ёзди Конор Макгрегор.
Эслатиб ўтамиз, Ирландияда президентлик сайлови 2025 йил 11 ноябр куни бўлиб ўтиши белгиланган. Жорий йилнинг 4 сентябрь куни Конор Макгрегор расман президентлик пойгасига қўшилаётганини эълон қилган эди. Унинг сиёсатга кириб келиши нафақат Ирландия, балки жаҳон жамоатчилигида ҳам катта қизиқиш уйғотганди.
Кўплаб мухлислар ва таҳлилчилар Макгрегорнинг сайловда иштирок этишини кутилмаган воқеа сифатида баҳолашганди. Сабаби, у кўп йиллардан бери спорт оламида фаолият юритиб, профессионал UFC жанговари сифатида машҳурликка эришган. Шу боис унинг сиёсий саҳнага чиқиши кўпчилик учун ноодатий воқеа сифатида кўрилди.
«Замин»ни Telegram’да ўқинг!
