“Ньюкасл” бош мураббийи Эдди Хау Чемпионлар Лигаси 1-туридан ўрин олган “Барселона”га қарши баҳс олдидан ўз қарашлари билан ўртоқлашди.
Мутахассиснинг таъкидлашича, бу ўйин клуб учун катта аҳамиятга эга тарихий воқеа ҳисобланади:
“Қуръа натижаларини кўрган чоғимда, қалбимда турли ҳис-туйғулар уйғонди. Шундан сўнг барча диққат-эътиборни тактика ва тайёргарликка қаратдик. Чемпионлар Лигасидаги беллашувлар доимий ўйинлардан тубдан фарқ қилади. Бундай пайтларда тажрибамиз қўл келишига ишонаман. Икки йил ичида жамоамиз таркиби сезиларли кучайди, бу эса ишончимизни оширмоқда. Мен жамоамизга тўлиқ ишонаман ва уларнинг майдондаги ҳаракати мухлисларни хурсанд қилади, деб ўйлайман”.
Шу билан бирга, Эдди Хау ёш иқтидор эгаси Ламин Ямалнинг жароҳати туфайли ўйинда иштирок этмаслиги клуб учун йўқотиш эканини таъкидлади:
“Албатта, бундай салоҳиятли футболчини бу учрашувда кўра олмаслигимиз афсусли. Бироқ “Барселона” сафида қанотларда яна бошқа кучли ва маҳоратли ўйинчилар борлигини инкор этиб бўлмайди”.
Эслатиб ўтамиз, Чемпионлар Лигасининг 1-тури доирасидаги “Ньюкасл” – “Барселона” тўқнашуви бугун Тошкент вақти билан соат 00:00 да старт олади.
«Замин»ни Telegram’да ўқинг!
