«ПСЖ» ҳужумчиси Усмон Дембеле «Олтин тўп» мукофотини қўлга киритганидан сўнг, ўзининг ғалабаси ва карерасидаги муҳим лаҳзалар билан ўртоқлашди. 28 ёшли футболчи бу мукофотни қўлга киритиш орзу эмас, балки жуда ажойиб бир воқеа эканини таъкидлади. Шунингдек, у ўзининг фаолияти ва ютуқлари билан бўлишди ва бу ютуқнинг жамоа ва клуб учун ҳам катта аҳамияти борлигини айтиб ўтди.
Дембеле ўзининг ижтимоий тармоқдаги саҳифасида: "Ҳозирда бошдан кечираётганларим ақл бовар қилмайди. Гапиролмай қолдим. «ПСЖ»да ўтган йил мен учун қўйилмақом бўлди; фаолиятимда жуда кўп нарса рўй берди. Футбол афсонаси Роналдинио менга бу мукофотни тақдим этгани — ўзгача бир ҳолат. Эришганларимдан фахрланаман", — деб ёзди.
Унинг сўзларига кўра, «ПСЖ»га, клуб президенти Носир Ал Хилайфийга ва бутун клубга раҳмат айтиш орқали у бу мукофот фақат ўзининг эмас, балки жамоа муваффақияти эканини таъкидлаган. "Жамоадошларимга ҳам раҳмат айтмоқчиман; биз деярли ҳамма совринни ютдик. Сиз мени қўллаб-қувватладингиз. Биз деярли барча совринларга эришдик ва бу индивидуал ютуқ жамоа учун мукофотдир", — дейди футболчи.
Шунингдек, у ўзининг футбол карерасининг муҳим босқичларидаги барча клубларига миннатдорчилик билдирди. Унинг сўзларига кўра, «Боруссия Д», қадрдон клуби «Ренн» ҳам алоҳида ўрин тутади. "Барселона"даги тажрибалар ҳам алоҳида ўрин тутади, бу ерда у Лионел Месси ва Андрес Иниеста каби ажойиб ўйинчилардан кўп нарса ўрганган.
"Олтин тўп"ни қўлга киритиш фаолиятимдаги асосий мақсадим эмасди, лекин бу — жуда ажойиб нарса. Мен Чемпионлар Лигаси, Лига 1 ва Франция кубогида ғалаба қозониш учун ишладим ҳамда индивидуал соврин билан тақдирланиш — бу ўзгача ҳиссиёт", — деб қўшди Дембеле.
Шунингдек, у миллий жамоадаги шерикларига ва мураббийи Дидие Дешамга ҳам миннатдорчилик билдирди. "Энди биз унинг сўнгги йилида жаҳон чемпионатида ғолиб чиқишдан умидвормиз", — деди у.
"Ўзим ўсган ва илк бор футбол ўйнаган она шаҳрим Эврега ҳам раҳмат айтаман. Бўш вақтим бўлганда, у ерга қайтишга ҳаракат қиламан; у ернинг одамлари доим мен билан", — деб қўшди футболчи.
"Мени доимо қўллаб-қувватлаб келган оиламга ва менга ишонган агентимга миннатдорчилик билдираман. У менга бир кун келиб «Олтин тўп»ни қўлга киритишимни айтганди. Доим ёнимда бўлган онам ва энг яқин дўстимга ҳам раҳмат", — дейди 28 ёшли футболчи.
«Замин»ни Telegram’да ўқинг!
