2026 ЖЧ финал чипталари рекорд нархларда сотувга чиқди

2026 йил АҚШ мезбонлик қиладиган футбол бўйича Жаҳон чемпионати финал баҳси учун чипталар нархи ошкор этилди. Катта финал Нью-Джерсидаги машҳур MetLife стадионида ўтказилади.

ФИФА маълумотига кўра, чипталар қуйидаги тоифаларда сотувга чиқарилади:

1-тоифа — $6 730;

2-тоифа — $4 210;

3-тоифа — $2 790;

4-тоифа — $2 030.

Айтилишича, нархлар талаб ва шароитга қараб ўзгариши мумкин. Бу “Нарх ўзгариши” сиёсати асосида амалга оширилади.

Шунингдек, ФИФА мухлислар учун расмий қайта сотиш майдонини ишга туширади. У ерда футбол ишқибозлари чипталарни бир-бирларига эркин нархда таклиф қилишлари мумкин бўлади — нарх қийматини чеклаш белгиланмаган.

Демак, 2026 йилдаги финални стадионда томоша қилишни истаган мухлислар олдиндан тайёргарлик кўришлари зарур бўлади.

Чарос Заркараева

«ZAMIN.UZ» муҳаррири