Озарбайжонда ўтказилаётган III МДҲ ўйинларида кеча Ўзбекистон делегацияси учун муваффақиятли кечди. Кун давомида спортчиларимиз 1 та олтин, 5 та кумуш ва 8 та бронза медалларини қўлга киритишди. Бу натижа делегациянинг ўйинлардаги барқарор фаолиятини яна бир бор кўрсатди.
Олтин медални Гулшан Алимардонова (каратэ, -50 кг) қўлга киритди. Кумуш медаллар эса қуйидагиларга насиб этди: Самандар Ўразалиев (каратэ, ката), Назокат Ўринова (аёллар кураши, -46 кг), Жасмина Пирматова (аёллар кураши, -50 кг), Муҳаммад Раҳимжонов (эркин кураш, -45 кг) ва Асадбек Эркинжонов (эркин кураш, -92 кг).
Бронза медаллар қуйидагиларга насиб этди: Бегзод Исмоилов (бокс, -52 кг), Шоҳруҳ Якубов (эркин кураш, -51 кг), Худойберди Турғунов (эркин кураш, -60 кг), Дурдона Тўрақулова (каратэ, ката), Севинч Раҳимова (каратэ, -55 кг), Меҳриддин Тўрахонов (каратэ, -60 кг), Абдулваҳоб Рашидов (каратэ, -67 кг) ва Марварид Зувайдуллоева (қиличбозлик, шпага).
Ўзбекистон делегацияси бу натижалар билан МДҲ ўйинларидаги ўзининг спорт салоҳиятини яна бир бор намойиш этди ва келгуси мусобақаларда ҳам юқори натижаларга умид бағишлади.
“Zamin”ни Telegram'да ўқинг!
