“Манчестер Сити”да авлодлар алмашинуви сустлашмаяпти. Бу жараён 2025 йил 20 январда “Ланс”дан Абдуқодир Ҳусанов келган пайтдан йўлга қўйилди ва ҳозир таркиб жиддий янгиланган.
Шу билан бирга жамоанинг етакчи фигураларига даъвогарлар сони ортаяпти. Айни дамда “Реал” президенти Флорентино Переснинг катта орзуси — марказда Родри Эрнандесни кўриш.
Transfer News Live ва Defensa Central хабарларига қараганда, мадридликлар учун имконият ойнаси кенгайган. Манбалар “Сити” белгиланган шартлар бажарилса, 29 ёшли юлдузни қўйиб юборишга тайёр эканини ёзмоқда.
Гапнинг мани қисмати — Родри узоқ даволанган жароҳатдан кейин аввалги ҳолатини тополмаяпти. У сўнгги ойларда жароҳатга мойил кўринаяпти, бу эса Гвардиола штабида шубҳа уйғотган.
Шу боис манчестерликлар эҳтимолий келишувга Эдуардо Камавинга қўшилишини хоҳлаяпти. Яъни “Реал” француз таянчини ва қўшимча бадални таклиф этса, музокарага эшиклар очиқ.
Қиймат масаласи ҳам аниқ тасвирланмоқда. Transfermarkt баҳоларига кўра, Родри 110 млн евро, Камавинга эса 50 млн евро атрофида. Демак, “Қироллик клуби”дан маълум миқдорда устама тўлови ҳам талаб қилиниши мумкин.
Бунинг устига “Сити” эҳтиёт режани ҳам тайёрлаб қўйган. Хосеп Гвардиола “Бавария” яримҳимоячиси Александр Павловични Родрининг келажакдаги ўринбосари сифатида кўряпти. 21 ёшли футболчининг баҳоси 55 млн евро атрофида тилга олинмоқда ва даъвогарлар сони кўпайиб боряпти.
Қисқаси, ёздаги ойна олдидан катта интрига шаклланди. Родри — Камавинга савдоси амалга ошса, ҳар икки жамоа марказ сафи тубдан қайта қурилиши, Европада куч мувозанати эса янги саҳнага чиқиши мумкин. Мухлислар эса навбатдаги хабардорликни интиқлик билан кутяпти.
