Халқаро спорт тадқиқотлари маркази (CIES) жаҳон футболида сўнгги ярим йил ичида энг кўп ҳужумкор вазият яратган футболчилар рўйхатини эълон қилди. Бу рейтинг ҳар бир ўйиндаги самарадорлик, дриблинг, аниқ паслар ва рақиб дарвозасига хавфли юришлар асосида ҳисобланган.
Биринчи ўринни “Барселона”нинг ёш юлдузи Ламин Ямал эгаллади. Унинг кўрсаткичи — 100 балл. Йигит ёшига қарамасдан, у жамоа ҳужумининг марказий фигурасига айланган.
Иккинчи ўринда “Реал Мадрид” яримҳимоячиси Арда Гулер жой олди (98,1 балл). Унинг техник маҳорат ва ўйинни ҳис қилиш қобилияти кўплаб экспертлар томонидан алоҳида таъкидланмоқда. Учинчи ўрин “Барселона” вингери Рафинья Диасга насиб этди (95,3 балл).
Топ-15лик қуйидагича шаклланди:
Ламин Ямал (“Барселона”) — 100
Арда Гулер (“Реал”) — 98,1
Рафинья Диас (“Барселона”) — 95,3
Муҳаммад Салоҳ (“Ливерпул”) — 95,2
Федерико Димарко (“Интер”) — 93,3
Кевин де Брюйне (“Наполи”) — 93,3
Исмаила Сарр (“Кристал Пэлас”) — 92,8
Дан Битон (“Хапоэл” Беер-Шева) — 92,4
Юнус Акгюн (“Галатасарой”) — 91,6
Жердан Шакири (“Базел”) — 91,5
Франсишку Тринкау (“Спортинг”) — 91,4
Педро Порро (“Тоттенҳэм”) — 91,1
Христос Цолис (“Брюгге”) — 90,8
Коул Палмер (“Челси”) — 90,7
Дани Олмо (“Барселона”) — 90,3
Таҳлилчилар таъкидлашича, бу рейтинг ёш футболчиларнинг жаҳон саҳнасида тобора муҳим роль ўйнаётганини кўрсатади. Хусусан, Ямал ва Гулер каби ёш юлдузлар катта клублардаги етакчиликни қўлга олиб, ўз авлодининг янги етакчиларига айланмоқда.
“Барселона”нинг бирданига уч футболчиси рўйхатга киргани каталонияликлар ҳужумкор услубининг самарадорлигини яна бир бор исботлади. Экспертлар фикрича, бу клубда ёш иқтидорларни тўғри йўналишда ривожлантириш тизими мукаммал ишлаяпти.
Шундай қилиб, Ямалнинг етакчилиги ва Гулернинг тез ўсиши 2025 йил футболида янги авлод ҳужумчиларининг даври бошланганини англатмоқда.
“Zamin”ни Telegram'да ўқинг!
