«Манчестер Сити» бош мураббийи Пеп Гвардиола “Эвертон”га қарши кечадиган учрашув олдидан жамоа ҳолати ҳақида фикр билдирди. Испаниялик мутахассиснинг айтишича, асосий яримҳимоячи Родри ҳали майдонга қайтишга тайёр эмас.
“Родри? Ҳозирча ҳеч қандай янгилик йўқ. Афсуски, у эртанги ўйинда иштирок эта олмайди. Қайтиши қачон бўлишини ҳам аниқ айта олмайман. Аммо унинг тикланиши жамоа учун муҳим”, — деди Гвардиола клуб матбуот хизматига.
Мураббий шунингдек, Матео Ковачичнинг ҳолатига ҳам тўхталиб ўтди: “Ковачич 50–60 дақиқа тўлиқ ҳаракат қила олади. Унинг босқичма-босқич формага кириши биз учун катта аҳамиятга эга.”
Шу билан бирга, Гвардиола Мармуш ва Аит-Нурининг соғлиги бўйича ижобий хабар берди: “Бу икки футболчи кеча жамоа билан биргаликда машғулот ўтказишди. Ўзларини яхши ҳис қилишди. Яқин вақтда уларни сафга қайтиши кутилмоқда.”
Каталониялик мутахассиснинг бу изоҳлари мухлисларда ўйинга бўлган қизиқишни янада оширди. “Сити” сўнгги турларда бир қатор жароҳатлар сабабли асосий таркибни янгилашга мажбур бўлди, аммо Гвардиола жамоа руҳи юқори эканини таъкидлади.
Эслатиб ўтамиз, “Манчестер Сити” — “Эвертон” учрашуви 18 октябрь куни Тошкент вақти билан соат 19:00 да старт олади. Мухлислар жамоа яна ғалаба йўлини давом эттиради, деган умидда.
“Zamin”ни Telegram'да ўқинг!
