Испания чемпионатининг сўнгги турида “Барселона” ўз майдонида “Жирона”ни 2:1 ҳисобида мағлуб этди. Ушбу баҳсда урилган биринчи гол “Барселона” учун Ҳанс Флик бош мураббий бўлганидан буён 200-гол бўлди.
Euro-football.ru ёзишича, бу натижа барча мусобақалар доирасидаги ўйинларни ҳисобга олган ҳолда қайд этилди. Флик бошчилигида “Барселона” ўзининг 100-голини январь ойида урди.
Бу натижага эришиш учун жамоа 32 та ўйин ўтказди. 200-голга эса 71 та учрашув керак бўлди.
Бу клуб тарихидаги учинчи энг яхши натижа ҳисобланади. Аввалги рекордлар бўйича, Эленио Эррера 61 та, Хуан-Хосе Ногес эса 67 та учрашувда 200-гол маррасига етган.
Ногес 1930 йилларда “Барселона”ни бошқарган. Таққослаш учун, Луис Энрикега 73 та, Хосеп Гвардиолага 81 та, Ёхан Кройффга эса 100 та ўйин керак бўлган.
Фликнинг натижаси клуб тарихида юқори учликдан жой олди.
