Англиянинг “Ноттингем Форест” клуби бош мураббийлик лавозимига Шон Дайчни тайинлади. Клуб раҳбарияти у билан 2027 йил ёзигача шартнома имзолади. Бу ҳақда Euro-football.ru хабар берди.
Шон Дайч бунгача “Эвертон” жамоасини бошқарган эди. У “Ноттингем Форест”да истеъфога чиқарилган Анге Постекоглунинг ўрнини эгаллади. Постекоглу “Ноттингем Форест” “Челси”дан йирик ҳисобда мағлуб бўлгач, жамоани тарк этди.
Янги мавсум бошидан бери “Ноттингем Форест” учинчи мураббий билан ишламоқда. Ҳозирда клуб Англия Премер-лигасида 18-ўринда бормоқда.
Жамоа саккиз турдан сўнг атиги беш очко тўплаган. “Ноттингем Форест” сўнгги йилларда натижаларни яхшилаш учун мураббийлар алмашинуви йўлига ўтди.
Клуб раҳбарияти Шон Дайч билан узоқ муддатли ҳамкорликка умид қилмоқда.
