"Порту" клуби ҳужумчиси Саму Агехова фаолиятини Англиянинг "Тоттенҳам" жамоасида давом эттириши мумкин. 21 ёшли футболчи Лондон клуби трансфер рўйхатидан жой олган. Бу ҳақда Euro-football.ru хабар берди.
Агехова шартномасида 100 миллион евро миқдорида товон пули белгиланган. Бироқ "Порту" клуби молиявий аҳволи сабаб футболчини арзонроқ нархда сотишга тайёр. Футболчи жорий мавсумда барча мусобақаларда тўққизта ўйинда иштирок этди ва саккизта гол урди.
Агехованинг "Порту" билан тузган шартномаси 2029 йил июнига қадар амал қилади. Аввалроқ португалияликлар ҳужумчини қишки трансфер ойнасида сотмаслиги ҳақида хабарлар тарқалган.
"Порту" клуби Агеховани сотиш масаласида якуний қарорга келмаган. Клубнинг молиявий ҳолати ва футболчига бўлган талаблар трансфер жараёнига таъсир кўрсатмоқда.
Агехованинг келажакдаги фаолияти яқин ҳафталарда аниқлик киритилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
