“Барселона” ҳужумчиси Маркус Рэшфорд Мадриднинг “Реал” жамоасига қарши бўладиган ўйиндан олдин ўз фикрлари билан ўртоқлашди. У “Реал” кучли таркиб ва тажрибали мураббийга эга экани, жамоа ҳозир яхши спорт формасида эканини таъкидлади.
Рэшфорд “Реал” сафида энг яхши футболчилар тўплангани, шу сабабли ўйинда кескин ва қизиқарли кураш бўлишини кутаётганини билдирди.
У “Барселона” ўз олдига юқори мақсадлар қўйганини ва ижобий натижа учун бор кучини сарфлашини айтди. Испания чемпионатининг ўнинчи тури доирасидаги “Реал” ва “Барселона” учрашуви 26 октябрь куни ўтказилади.
Учрашув Тошкент вақти билан соат 20:15 да бошланиши режалаштирилган. Рэшфорднинг сўзларига кўра, “Барселона” учун бу ўйин осон кечмайди, бироқ жамоа ғалаба учун ҳаракат қилади.
“Эл-Класико” тарихан ҳар доим муҳим ва шиддатли ўтган, бу сафар ҳам мухлислар кутилган даражада ўйин гувоҳи бўлишади.
