Миланнинг "Интер" клуби "Комо" жамоаси ярим ҳимоячиси Николас Пасни ўз сафига қўшиб олишга қизиқиш билдирмоқда. "Нерадзурри" футболчининг "Комо"даги муваффақиятларини бир муддатдан бери кузатиб келмоқда.
Аввалги трансфер ойнасидан аргентиналик футболчи бошқа жамоага ўтмасликка қарор қилган эди. Transfer News Live нашри Flashscore манбасига асосланиб хабар беришича, "Интер" Николас Пас учун 58 миллион евро таклиф қилишга тайёр.
Милан клуби "Реал Мадрид"нинг ушбу футболчини 2026 йилда қайтариб олиш ҳуқуқидан фойдаланишига йўл бермоқчи. Маълумки, "Реал" клуби ўз тарбияланувчисини биринчи навбатда сотиб олиш имкониятига эга.
Transfermarkt экспертлари Николас Паснинг нархини 55 миллион евро атрофида баҳоламоқда. Шунингдек, 21 ёшли футболчига Англиянинг йирик клублари ҳам қизиқиш билдирмоқда.
