Ла Лига 10-тури доирасида бўлиб ўтган “Бетис” ва “Атлетико” жамоалари ўртасидаги баҳсда Мадрид клуби рақибини ишончли тарзда мағлубиятга учратди. “Атлетико” ўзининг энг яхши даврларига хос ўйин кўрсатиб, голлар ҳисобида устунликни қўлга киритди ва рақибга хавфли вазиятлар яратишга имконияти қолдирмади.
Учрашувнинг 3-дақиқасида Коке узоқ устунга тўп узатди, бу ерда эса ҳимоячилар назоратидан қочиб кетган Жулиано Симеоне тўпни дарвозага аниқ зарба билан жойлади (0:1). Кейинчалик Симеоне қанотда рақибни алдаб ўтиб, жарима майдонига тўп узатди.
Ҳужумни Хулиан Алварес давом эттирди, бироқ унинг зарбаси дарвоза устунидан бироз четга кетди. Ўйиннинг 45-дақиқасида “Атлетико” қарши ҳужумга ўтди, Алварес рақиб майдонига ўтиб, Алекс Баэнага тўп узатди.
Баэна эса дарвозабонни мағлуб этиб, ҳисобни 0:2 кўринишга олиб келди. Иккинчи бўлимда ўйин асосан формаллик тусини олди ва ҳисоб ўзгармади.
Ушбу ғалабадан сўнг, “Атлетико” 19 очко билан турнир жадвалида тўртинчи ўринни эгаллаб турибди. “Бетис” эса 16 очко билан орқада қолди.
Учрашув протоколи:
“Бетис” - “Атлетико” 0:2
Голлар: 3ʼ Жулиано Симеоне (0:1), 45ʼ Алекс Баэна (0:2). 27-октябр, “Олимпия стадиони” (Севилья).
Бетис — Лопес, Беллерин (Руибал, 69), Натан, Аке, Родригес (Фирпо, 69), Амрабат, Рока (Ло Челсо, 46), Антони, Форналс (Деосса, 76), Эззалзули, Кучо (Бакамбу, 76).
Атлетико — Облак, Лоренте, Ле Норман, Хименес, Ҳанцко, Симеоне (Молина, 82), Барриос (Галлаҳер, 54), Коке , Гонсалес, Баэна, Алварес (Сёрлот, 59).
Огоҳлантиришларлар: Гонсалес (84), Ло Челсо (85), Амрабат (90+1).
