"Наполи" ярим ҳимоячиси Кевин де Брёйне "Интер"га қарши баҳсда пеналти амалга ошираётганида оғир жароҳат олди. Белгиялик футболчи майдонни тарк этишда қийинчиликларга дуч келди ва унга ёрдам берилди.
Душанба куни Неаполь клубининг расмий сайтида де Брёйненинг ҳолати ҳақида баёнот эълон қилинди. Клубнинг маълум қилишича, текширув натижасида ўнг соннинг икки бошли мушакларида жиддий ёрилиш аниқланган.
Кевин аллақачон тикланиш дастурига киришган, аммо 34 ёшли футболчининг майдонга қайтиш муддати ҳозирча аниқ эмас. Эслатиб ўтамиз, "Наполи" "Интер"ни 3:1 ҳисобида мағлуб этди.
Антонио Конте жамоаси А Серияда Рим клубини қўшимча кўрсаткичлар бўйича ортда қолдириб, пешқадамлик қилмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
