Собиқ "Реал" футболчиси Тони Кроос "Эл-Класико" ўйинидан сўнг "Барселона"нинг таркиб танлаш қарорини танқид қилди. Каталонияликлар "Сантьяго Бернабеу" стадионида 1:2 ҳисобида мағлубиятга учради.
"Мен Гарсиянинг марказий ҳимояда ўйнаганини тушунмайман. Балки футбол маҳорати бўйича у Арауҳо билан тенглашар, лекин Арауҳо рақиб билан курашиш учун зарур бўлган жисмоний кучга эга, айниқса, ҳимоя чизиғини юқорига тортган ҳолатларда.
У бундай ўйин услуби ва рақибга қарши идеал танлов бўларди. Кимдир керак эди, кимки Виниус ва Мбаппенинг тезлигига мос туша оларди.
Буни Арауҳо уддалаши мумкин эди. Унинг таркибда йўқлиги мени жуда ажаблантирди", - деди Кроос Einfach mal Luppen подкастида.
Шу билан бирга, Кроос "Барселона"нинг "Эл-Класико"га жароҳатлар туфайли кучсизланган таркибда келганлигини ҳам тан олди.
