Мадриднинг "Реал" клуби УЕФАга қарши даъво аризаси киритмоқчи. Бу ҳақда AS нашри хабар бермоқда.
Манбаларига кўра, "қироллик клуби" Европа Суперлигаси лойиҳасини илгари сураётган A22 компанияси билан биргаликда жиддий молиявий компенсация талаб қилмоқда. УЕФАга қарши 4,5 миллиард евро миқдорида даъво аризаси киритилиши режалаштирилган.
Бу маблағ етказилган зарарни қоплаш учун талаб қилинмоқда. Аввалроқ, Мадрид суди УЕФА, Ла Лига ва Испания Қироллик футбол федерациясининг Суперлига лойиҳасини тўхтатиш бўйича берган апелляциясини рад этган эди.
Шундан сўнг, лойиҳа ташаббускорлари УЕФАга қарши даъво киритиш ҳуқуқини қўлга киритдилар. "Реал" айни дамда Ла Лига турнир жадвалида пешқадамлик қилмоқда.
Охирги ўйинда "қироллик клуби" "Барселона"ни 2:1 ҳисобида мағлуб этди.
