АПЛда ойнинг энг яхши мураббийи номзодлари эълон қилинди

Англия Премьер Лигасида октябрь ойининг энг яхши мураббийи бўлиш учун номзодлар эълон қилинди. Ушбу рўйхат мусобақанинг расмий саҳифасида чоп этилди.

Мукофот учун тўртта мураббий кураш олиб бормоқда: Микель Артета ("Арсенал", 3 ғалаба), Рубен Аморим ("Манчестер Юнайтед", 4 ғалаба), Андони Ираола ("Борнмут", 2 ғалаба ва 1 дуранг), ҳамда Унаи Эмери ("Астон Вилла", 3 ғалаба). Ғолиб мутахассислар ва мухлислар ўртасидаги овоз бериш натижасига кўра аниқланади.

Жорий мавсумда "Кристал Пэлас" мураббийи Оливер Гласнер ва "Ливерпул"да ишлаётган Арне Слот аллақачон ойнинг энг яхши мураббийи деб эътироф этилган.