“Бёрнли” бош мураббийи Скотт Паркер Лондоннинг “Арсенал” жамоаси даражасига баҳо берди. Шанба куни “Бёрнли” ўз майдонида Англия Премьер-лигасининг ўнинчи турида “канонирлар”ни қабул қилади.
“Мен “Арсенал”ни фақат стандартлардан гол уришгани учун танқид қилишни тушунмайман. Уларнинг ўйинини кузатганда, мен ҳақиқатан ҳам мослашувчан ва яхши тайёрланган жамоани кўряпман.
Албатта, стандарт вазиятлар “Арсенал” учун муҳим, лекин мен уларнинг ўйинлари фақат шу элементга асосланган деб айтмас эдим. Мустаҳкам ҳимоя ҳар қандай жамоа учун асосдир.
Биз ўтган мавсумда ҳам айнан шу тамойилга таяниб ўйнаганмиз. Шубҳасиз, “Арсенал”да ҳам бу шундай.
Улар юқори даражадаги жамоа ва ажойиб мураббийга эга”, – дея Паркернинг сўзларини келтирмоқда инглиз ОАВлари. “Арсенал” АПЛ жадвалида 22 очко билан пешқадамлик қилаётган бўлса, “Бёрнли” 10 очко билан 16-ўринда бормоқда.
