"Кристал Пэлас" клуби эгаси Стив Периш жамоа сардори Марк Гехининг ёзги трансфер ойнаси ёпилишидан олдин "Ливерпуль"га ўта олмаганига изоҳ берди. Ҳимоячи мерсисайдликлар сафини тўлдиришга тайёр эди, бироқ Лондон клуби ушбу келишувдан воз кечди, чунки ўз юлдузига тенг даражада ўринбосар топилмади.
"Гехи юз берган вазиятни яхши қабул қилди. У "Ливерпуль" каби буюк клубдан таклиф олди. Албатта, Марк у ерга ўтишни хоҳлаган эди, лекин биз уни қўйиб юбормаслигимизни айтганимиздан кейин қолишга тайёр эди.
Биз учун уни сақлаб қолиш муҳим эди, чунки Премьер-лигадаги қаттиқ рақобатда ажойиб мавсум ва омон қолиш ўртасидаги фарқни баъзида атиги бешта ғалаба ҳал қилади. Шу сабабдан биз муҳим ўйинчимизни сотмасликка қарор қилдик", - деди Периш Трансфер Сектор сайтига берган интервьюсида.
Маълум қилинишига кўра, кейинги ёзда Марк Гехи "Кристал Пэлас"ни эркин агент сифатида тарк этади, чунки у амалдагги шартномасини узайтириш ниятида эмас.
“Zamin”ни Telegram'да ўқинг!
