Яқинда ярим ҳимоячи Арсен Захарян мавсумдаги биринчи голини урди. Россиялик футболчи Испания Кубогида "Реал Сосьедад" жамоаси сафида майдонга тушган ўйинда гол уришга муваффақ бўлди.
Захаряннинг вакили Геннадий Голубин футболчиларнинг голлари ва голли узатмалари уларга ишонч бағишлашини таъкидлади. Голубин фикрича, эндиликда Захарян майдонда кўпроқ вақт олади.
"Ўйлайманки, Арсен энди кўпроқ ўйнайди, унга кўпроқ имконият берилади. Арсеннинг мураббий билан муносабатлари ҳақида гапирмайман, ҳар бир мураббийнинг ўз ёндашуви бор".
"Фақат футбол майдони Арсеннинг ишонч даражасини кўрсатади", – деди Голубин "Спорт-Экспресс" нашрига берган интервьюсида. "Реал Сосьедад" жамоаси кейинги ўйинни 1 ноябр, шанба куни "Атлетик" жамоасига қарши ўтказади.
Учрашув соат 20:30 да бошланади (Москва вақти билан).
