“Астон Вилла” бош мураббийи Унаи Эмери Англия Премьер-лигасининг яқинлашиб келаётган “Ливерпуль”га қарши ўйини олдидан ўз фикрларини билдирди. Эмери сўнгги етти ўйиндан олтитасида мағлуб бўлган мерсисайдликларни қўллаб-қувватлашини айтди.
“Ливерпуль”га жуда катта ҳурматим бор. Албатта, улар ҳозир унчалик яхши натижаларга эришмаяпти, аммо уларнинг мураббийи ўз даражаси ва тажрибасини аллақачон исботлаган.
Ўтган мавсумда улар бир бутун жамоа сифатида ажойиб ўйинлар кўрсатиб, Премьер-лигани қўлга киритган эди. Бу мавсумда ҳам уларнинг мураббийи ўша, таркиб эса янада кучлироқ.
Ҳозир улар мослашиш жараёнидан ўтмоқда. Жамоани қайта қуришмоқда.
Балки, уларга ҳозирги таркиб билан ўз куч ва ишончларини тўлиқ ҳис қилиш учун бироз вақт керакдир. Аммо индивид сифатида уларнинг ўйинчилари жуда кучли.
“Ливерпуль”га ҳурматим баланд ва эртага уларнинг майдонида нимагадир эришиш осон бўлмаслигини яхши тушунаман. Биз ўз имкониятларимизнинг максимумини кўрсатишимиз керак – ҳам тактик, ҳам индивидуал жиҳатдан.
Энг муҳими, совуққонликни сақлашдир”, – деди Эмери журналистларга. “Ливерпуль” ва “Астон Вилла” ўртасидаги учрашув 1 ноябрь куни Москва вақти билан соат 23:00 да бошланади.
