Астон Вилла Лондонда Фулҳам меҳмони бўлади
Астон Вилла 25 апрель куни Лондонда Фулҳам жамоаси билан учрашади. Мезбонлар турнир жадвалининг 12-поғонасини эгаллаб турса, Астон Вилла Чемпионлар лигаси йўлланмаси учун курашмоқда. Сўнгги бешта ўйинда Астон Вилла Фулҳамга қарши ғалаба қозонган, аммо ҳар икки жамоа ҳам асосий ўйинчиларини йўқотган. Олли Уоткинснинг яхши ўйини меҳмонлар учун муҳим бўлиши кутилмоқда.
Англия Премьер лигасининг навбатдаги турида "Фулҳам" ўз майдони "Крейвен Коттаж"да "Астон Вилла" жамоасини қабул қилади. Мазкур учрашув 25 апрель куни Гринвич вақти билан 12:30 га белгиланган. Бу ҳақда Goal.com хабар беради.
Мезбонлар айни дамда турнир жадвалининг 12-поғонасини эгаллаб турибди.
Унаи Эмери бошқарувидаги "Астон Вилла" Чемпионлар лигаси йўлланмасини берувчи тўртинчи ўринни сақлаб қолиш учун курашмоқда. Бирмингемликлар сўнгги турда "Сандерленд" устидан 4:3 ҳисобида ғалаба қозониб, ўз позициясини мустаҳкамлаб олди.
Жамоалар ўртасидаги сўнгги бешта ўйиннинг барчасида "Астон Вилла" ғалаба қозонган.
Таркибдаги йўқотишлар ҳар икки жамоага ҳам қийинчилик туғдирмоқда. "Фулҳам" сафида Кенни Тете жароҳати сабаб майдонга туша олмайди.
Меҳмонлар таркибида эса Алиссон ва Бубакар Камара каби асосий ўйинчилар сафдан чиққан. Шунга қарамай, Олли Уоткинснинг сермаҳсул ўйини меҳмонлар учун асосий устунлик бўлиши кутилмоқда.
Изоҳлар 0
…