“Ал-Иттиҳод” ярим ҳимоячиси Н'Голо Канте Франциянинг “Париж” клубини ҳануз қизиқтирмоқда. Лига 1нинг янги иштирокчиси бўлган мазкур жамоа ўтган ёздаёқ собиқ “Челси” юлдузини таркибга қўшиш ниятида эди, бироқ ўшанда келишув амалга ошмаган.
Санти Аунанинг хабарига кўра, парижликлар 34 ёшли тажрибали футболчини трансфер қилиш умидини йўқотмаган. Жамоа Жаҳон чемпиони бўлган ушбу футболчига ўз лойиҳасида асосий етакчи ролини таклиф қилишга тайёр.
Н'Голо Кантенинг “Ал-Иттиҳод” билан шартномаси келаси йилнинг ўртасида якунланади. Шу сабабли январ ойида у арзонроқ нархда сотилиши мумкин.
Франциялик футболчи Саудия Арабистонида икки йилдан ортиқ вақт давомида фаолият олиб бормоқда. Ҳозирда “Париж” Франция чемпионати турнир жадвалида ўн турдан сўнг 12-ўринни эгаллаб турибди.
