Мбаппе Роналдуни ортда қолдириши мумкинми?
Килиан Мбаппе Криштиану Роналдуни ортда қолдириш имконияти ҳақидаги саволга аниқ жавоб бера олмаслигини айтиб, Роналдуни Мадриднинг "Реал" клубидаги мезон ва биринчи рақам деб атади. У ўзини Роналд билан таққослай олмаслигини, чунки "Реал"да бор-йўғи бир ярим йилдан бери ўйнаётганини, Роналду эса клубда тўққиз йил фаолият олиб борганини таъкидлади.
Мадриднинг "Реал" клуби ҳужумчиси Килиан Мбаппе Криштиану Роналду билан таққослашлар ҳақида ўз фикрларини билдирди. Яқинда француз футболчиси ўтган мавсум учун Европа "Олтин бутса" мукофотини қўлга киритди.
Жорий мавсумда эса у янада ҳайратланарли натижаларни қайд этмоқда – барча мусобақаларда 13 учрашувда 16 та гол урди. "Мен Роналдунинг ютуқларини ортда қолдиришим мумкинми?
Бу саволга қандай жавоб беришни билмайман. Ҳамма билади, Криштиану Мадридда мезон, у биринчи рақам.
Мен бу ерда бор-йўғи бир ярим йилдан бери ўйнаяпман, у эса бу клубда тўққиз йил фаолият олиб борган. Ўзимни у билан таққослай олмайман, мен ўз йўлимни босиб ўтаяпман.
Албатта, Роналдунинг номи билан таққосланиш – бу катта шараф. Аммо мен фақат ўз йўлимни яратиш ва жамоамга барча мумкин бўлган совринларни қўлга киритишда ёрдам бериш ҳақида ўйлаяпман", – дейди Мбаппе "The Touchline" нашрига берган интервьюсида.
Шанба куни "Реал" Ла Лига доирасида ўз майдонида "Валенсия" билан баҳс олиб боради.
Изоҳлар 0
…