“Барселона” бош мураббийи Ханс-Дитер Флик ярим ҳимоячи Педрининг жароҳати ҳақида фикр билдирди. 22 ёшли футболчи Мадриднинг “Реал” жамоасига қарши ўйинда 100-дақиқагача ҳаракат қилди, бироқ иккинчи сариқ карточка олиб майдондан четлатилди.
“Эль-Класико”дан сўнг Педрида жиддий жароҳат аниқланиб, унинг тикланиши декабр ўртасигача чўзилиши мумкинлиги маълум бўлди. “Педрининг жароҳати бизни ҳайратга солди.
Мадриддаги ўйиндан кейин у фақат енгил ноқулайлик ва чарчоқ ҳис қилган эди, бироқ текширувлар муаммоларни аниқлади. Бунга кўникишдан бошқа чора йўқ.
Албатта, биз асосий футболчиларимиздан бирининг йўқлигидан азият чекамиз, лекин унинг тезроқ сафга қайтишига умид қиламиз”, – деди Флик матбуот анжуманида. Якшанба куни “Барселона” Ла Лига доирасида “Эльче” жамоасига қарши уй учрашувини ўтказади.
