“Челси” бош мураббийи Энсо Мареска “Тоттенҳем”га қарши ўйиндан сўнг ярим ҳимоячи Мойсес Кайседони юқори баҳолади. Учрашувда “кўклар” мезбон жамоани минимал ҳисобда мағлубиятга учратди.
24 ёшли эквадорлик футболчи 34-дақиқада Жоао Педронинг голи учун пас берди ва бу гол ўйинда ягона бўлиб қолди. “Кайседо яна ўзининг қанчалик кучли эканлигини кўрсатди.
У юқори даражадаги футболчи. Унинг энг яхши сифати – камтарлиги.
Ажойиб йигит, доимо барчага ёрдам беришга тайёр. У ва Родри дунёнинг энг яхши таянч ярим ҳимоячилари”, – дейди Мареска Football.London нашрига берган интервьюсида.
“Челси” 10 турдан сўнг 17 очко тўплаб, Премьер-лига турнир жадвалида бешинчи ўринга кўтарилди.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
