Мюнхеннинг "Бавария" клуби бош мураббийи Венсан Компанӣ Германия Бундеслигасининг тўққизинчи турида Леверкузеннинг "Байер" клубига қарши ўйиндан сўнг фикрларини билдирди. Мезбонлар учрашувда 3:0 ҳисобида ғалаба қозонишди.
"Ушбу учрашувда ўйин суръатини юқори даражада ушлаб туриш муҳим эди. Биз бу вазифани аъло даражада уддалай олдик, ҳатто Кейн, Диас ва Олисе майдонга тушмаган бўлса ҳам.
Ўйинчиларимга кўпроқ ўйин амалиёти беришни мақсад қилганман. Биз 15 та ғалабага эришдик ва бу билан тўхтамоқчи эмасмиз", – деди бош мураббий Бундеслига матбуот хизматига.
Германия чемпионатининг тўққизта туридан сўнг, Мюнхен жамоаси 27 очко тўплаб, турнир жадвалида етакчилик қилмоқда. "Бавария" навбатдаги учрашувни УЕФА Чемпионлар Лигаси доирасида Франциянинг "ПСЖ" клубига қарши ўтказади.
