“Челси” бош мураббийи Энзо Мареска ҳужумчи Жоау Педронинг узоқ кутилган голи ҳақида фикр билдирди. Бразилиялик футболчи аввалги саккиз ўйинда гол ура олмаган эди.
Бироқ, шанба куни бу нохуш серия якунланди: 24 ёшли ҳужумчи АПЛ доирасида “Тоттенхэм”га қарши ўйинда жамоасининг ягона голини урди. “Педро ҳеч қачон биз учун муаммо бўлмаган.
Унинг ягона муаммоси – соғлиги туфайли ҳар куни машғулот ўтказа олмаслиги, ҳар бир ўйинга 100% тайёр бўлмаслиги. Жоау гол уришни давом эттиради.
У “Ливерпул”га қарши ўйинда ҳам жуда яхши эди. Энди эса Лиам Делап қайтди ва ҳужумда имкониятларимиз янада ошди”, – деди Мареска матбуот анжуманида.
Эслатиб ўтамиз, Жоау Педро ўтган ёзги трансфер ойнасидан “Брайтон”дан “Челси”га 60 миллион евродан ортиқ маблағ эвазига келиб қўшилган эди.
