Испаниянинг "Атлетик" (Бильбао) клуби бош мураббий Эрнесто Вальвердега ўринбосар изламоқда. Унинг жорий шартномаси яқинлашиб келаётган ёзда ўз ниҳоясига етади.
Бу ҳақда larazon.es портали хабар бермоқда. Ҳозирча Вальверденинг клуб билан шартномани узайтириши ёки узайтирмаслиги номаълум, шунинг учун клуб бошқа мутахассислар билан қизиқмоқда.
"Атлетик" раҳбарияти бош мураббийликка биринчи навбатда Андони Ираолани номзод сифатида кўрмоқда. Ҳозирда Ираоланинг "Борнмут" жамоаси Англия чемпионати етакчилари қаторида бормоқда.
Шунингдек, клуб "Райо Вальекано"ни бошқараётган Иниго Перес ёки айни пайтда "Эльче" жамоасини бошқараётган Эдер Сарабияни ҳам таклиф қилиши мумкин. Сарабия билан тузилган шартнома 2027 йилгача амал қилади, аммо Ираола ва Перес мавсум охирида эркин мураббийга айланиши мумкин.
Перес эса ўзининг ҳозирги иш жойидан мамнун эканлигини билдирган.
Меҳмон гуруҳидаги фойдаланувчилар ушбу мақолага изоҳ қолдира олмайди.
