“Ливерпул” марказий ҳимоячиси Виржил ван Дейк яқинда Уэйн Руни томонидан билдирилган танқидга ўз муносабатини билдирди. Ўтган ойнинг охирида “Манчестер Юнайтед” ва Англия терма жамоасининг собиқ ҳужумчиси Уэйн Руни “Ливерпул” жамоасининг қийин дамларида Ван Дейк ва Муҳаммад Салоҳ етакчилик қобилиятининг етарли эмаслигини таъкидлаган эди.
Ван Дейк бу борада шундай деди: “Мен ўтган мавсумда Рунининг фикрларини эшитмаганман. Ростини айтсам, унинг гаплари мени безовта қилмайди.
Албатта, Уэйн – кўплаб футболчиларга илҳом берган афсонавий ўйинчи, лекин унинг бу танқиди, назаримда, шунчаки бепарво танқиддир. Ўтган мавсумда ишларимиз яхши кетганида, Руни ҳақида ҳеч нарса эшитмагандим.” Эслатиб ўтамиз, яқинда “Ливерпул” АПЛдаги мағлубиятлар сериясига чек қўйиб, “Астон Вилла”ни 2:0 ҳисобида мағлуб этди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
