Туриннинг "Ювентус" жамоасининг янги бош мураббийи Лучано Спаллетти жамоа Италия чемпионатида ғалаба қозониш учун кураша олишини айтди. Собиқ "Зенит", "Наполи" ва Италия терма жамоаси бош мураббийи Спаллетти "Ювентус"да Игор Тудор ўрнини эгаллади.
"Мен айтдимки, биз скудетто учун курашишимиз керак, лекин бу уни ютамиз дегани эмас. Ҳозирча математик имкониятларимиз бор экан, биз ҳар қандай нарса, жумладан, Чемпионлар Лигаси учун ҳам интилишимиз лозим", - дея мутахассиснинг сўзларини келтирди клуб матбуот хизмати.
Унинг таъкидлашича, "Кремонезе"га қарши ўйинда жамоанинг кўрсатган ўйини унга ёққан, бироқ бу ғалабада унинг ҳеч қандай ҳиссаси бўлмаган. 10 турдан сўнг "Ювентус" 18 очко билан турнир жадвалида олтинчи ўринни эгаллаб турибди ва етакчи "Наполи"дан тўрт очко ортда бормоқда.
