UFC'нинг энг ёрқин жангчиларидан бири Арман Царукян навбатдаги жанг олдидан ўз ҳис-туйғуларини яширмади. Янги зеландиялик рақиби Дэн Ҳукер ҳақида сўзлар экан, у тўғридан-тўғри ва қатъий фикр билдирди.
“Менга Ҳукер инсон сифатида ёқмайди. У кўп гапиради, лекин амалда шунчалик кучли эмас, деб ўйлайман. Шу билан бирга, уни камситиш ниятим йўқ — у дивизиондаги энг кучли жангчилардан бири. Фақат менда унга қарши шахсий ҳис-туйғулар бор ва уларни сўз билан эмас, зарбалар билан ифода этаман. Ҳукер билан жанг мен учун спортчан синов, шу орқали ўз даражамни кўрсатаман,” — деди Царукян.
Арман шунингдек, кейинги режаси ҳақида ҳам очиқ гапирди: “Дэнни енгиб, кейин Илия Топурияни ҳам мағлуб этиш ниятидаман. Бу мен учун янги босқич бўлади. Иккаласини ҳам октагонда мағлуб этиб, уларни нафақага чиқаришни хоҳлайман.”
Маҳаллий ва халқаро мухлислар бу жангни UFC йилнинг энг қизиқарли тўқнашувларидан бири деб баҳолашмоқда. Царукян ҳозирда енгил вазн тоифасида иккинчи ўринда, Ҳукер эса олтинчи поғонада жойлашган.
Жанг 22 ноябрь куни Қатарда бўлиб ўтади. Бу тўқнашув нафақат рейтинг, балки шахсий ғурур ва ифтихор масаласига айланган.
Мухлислар эса Царукяннинг “нафратни сўз билан эмас, зарбалар билан ифодалаш” шиори қанчалик амалда намоён бўлишини катта қизиқиш билан кутмоқда.
“Zamin”ни Telegram'да ўқинг!
