Жоржо Кьеллини, "Ювентус" клуби раҳбариятида фаолият юритаётган собиқ футболчи, яқинда бош мураббий этиб тайинланган Лучано Спаллеттининг ишлаш услуби ҳақида фикр билдирди. Италиялик мураббий Игор Тудорни алмаштирди.
Тудор октябр ойининг охирида истеъфога чиқарилган эди. Спаллетти бошқарувида ўтказилган илк ўйинда "Кекса синьора" "Кремонезе" жамоасини 2:1 ҳисобида мағлуб этди.
"Спаллетти ўз тажрибаси, ўйинни ҳис қилиш қобилияти ва тактик ёндашувини жамоага олиб киришга интилаётган бўлса-да, жуда кескин ўзгаришлар қилишни истамаяпти. У жамоа унинг келишидан аввал нима қилаётганини тушуниб, шунга мослашган ҳолда ўз элементларини қўшди.
Биринчи машғулотларда у футболчиларга ўз ғояларини етказишга ҳаракат қилди", – деди Кьеллини Sky Sport телеканалига берган интервьюсида.
Лучано Спаллеттининг "Ювентус" билан тузган шартномаси мавсум охиригача мўлжалланган, аммо жамоа Чемпионлар Лигаси йўлланмасини қўлга киритса, шартнома бир йилга узайтирилиши мумкин.
“Zamin”ни Telegram'да ўқинг!
