“Барселона” вингери Рафинья Диас “Олтин тўп” бўйича ўз фикрларини билдирди. Бразилиялик футболчи жорий йилда овоз бериш натижаларига кўра бешинчи ўринни эгаллади. Бироқ кўпчилик уни бундан юқори ўринга лойиқ деб ҳисобламоқда.
“Албатта, мени ҳафсалам пир бўлди. Катта умидларим бор эди, мен “Олтин тўп”ни қўлга киритишни хоҳлагандим. Ҳар куни астойдил меҳнат қилганингда ва ажойиб мавсум ўтказганингни ҳис қилганингда, табиийки, энг юқори мукофотни кутасан.
Келажакда “Олтин тўп”ни ютиш имкониятим бўлади деб ўйлайман. Футбол турли даврлар ва янги имкониятларга бой.
Бешинчи ўрин ҳали ҳам ўсишга жой борлигини кўрсатди. Ҳар мавсум ўзингни намоён қилиш, совринлар ютиш ва эътирофга эришиш учун янги имкониятдир.
Мен бундан қўшимча мотивация сифатида қабул қиламан, босим сифатида эмас. Ўз имкониятларимни яхши биламан”, — дейди 28 ёшли футболчи ўз интервьюсида.
Эслатиб ўтамиз, “Олтин тўп” соврини бу йил ПСЖ футболчиси Усмон Дембелега насиб этди.
